براك مبسوط جواك زعلان
قلم أحمد زيدان البلياتشو
براك مبسوط جواك زعلان
مودك لخابيط مهموم فرحان
شايف نفسك ، عتمة يأسك
حاله مريبه ، انسان كسلان
شمر كُمك ، حرك نفسك
شبهك 30مليون انسان
بتدور ليه علي كبس النور
بتدور ليه منتا اللي طافيه
و عليه بصماتك
وشك مكشوف فاضح مستور
باين علي وشك ، وحياتك
لحظه سرحانك، قلقك و سكاتك
معظم حركاتك ، بتشاور لِيه
معظم تفكيرك ، و مشاعرك
ملهوفه عليه
تنهيدك لحظه ، ما يفارق
كل الخطوات اللي مشتها
كل الطرقات ، بتودي إليه
خليط من ماضي و من حاضر
ممذوج بالشوق اللي محاصر
ألمك و الهم اللي كاويها
احساس الوهم اللي ماليها
أشكالك ياما مبين الناس
والوهم مسيطر علي حالهم
شاربين المُر من أفعالهم
زيك بالظبط عايشين فيهم مع ناس ف الأصل ماهيش ليهم
راضين بيهم ، لا فراق ولا هجر يعلمهم ، عايشين لقلوب غدرت بيهم
الوقت بيشهد ع المحنه ، و اديك مشتاقه ل حنه
الصبر عقيده بالإجبار
الجرح بينزف ليل و نهار
صايم و بيفطر علي بصله
حواليك كردون قوة محاصره
و كانك ليل و الصبح مفيش
ميت علشان الكل يعيش
شاحن بايظ محتاج وصله
اعمل فصله ،
أبدأ حاول ، عيش اللحظه ، دا الموت لحظه
خلي التفاصيل عنوان هامش
اصرخ للناس انك عايش
إيد الانوار الاماميه ،
أطفي الاوجاع الخلفيه
كل الازمات انساها وعيش
قول للحرمان ارجوك متجيش
صاحبت الويل من داخل دليل
تايه مش لاقي الصبحيه
التعليقات مغلقة.