برج القاهره…شعر/ جيهان النجار
وأول حاجة بعملها
أشوف المعني
وتشكلها
واخش الصفحة
احنلها واشكيلها
ولسه قلبي هيسألها
الاقي ورايا خلق كتير بتسعلها
اشي بيضحك
ودي تنكت
واشي بيدعي
ودي اتشدت
والاقي القافية والأشعار
والاقي اللي قلبها هزار والاقي
ان مافيش فايدة
وقايدة ف المشاعر نار
وأنا ساكتة وبتفرج
والكل بيضحك ويهرج
اتسحب واتهرب
عشان الفكر
ما يخنيش
ما أنا ف الغيرة ماعرفنيش
أنا ممكن…….
اهد النت على ناسه وأقول عليا
وعلى الفيس
وتأسيسه
وعلى مارك
وسنينه والعن ف اللى جايبنه
وافضل….. اااقول
واذكر سعر الطعمية وصل فى الحجم كم ملي بكيلو الفول
وأكتب اسم
كام مسئوول
حط المبتدأ خبر
ورافع درجة الفاعل وبيجرجر ف المفعول
ودمي ….يفور
اشوف النقد الاقي
كله كلام فاضي وم العادي
طلع من وادي
دخل وادي
ل …..ناقد مغرور
ولسه هرد عليه
واثور
الاقي صورة عريانة وصلت من أُمة
خلصانة……وعايزة عبور .
الم الدور…….
عشان لو حد كلمني هانسى الشعر بالمرة وأكتب قصيدة
من بره ورص سطور
واجيب الشعر وحروفه
واحلف ما اقرب تاني له
ولا اشوفه
واكون قاسية فى تكتيفه وف خوفه
والف ايديه ورا ظهره
واسحب م المهور مهره
وانط برج القاهره بالمعروف .
جيهان النجار
التعليقات مغلقة.