برد برد وسلام يا جزاير…بقلم الشاعر المصري
أحمد إبراهيم النجار
برد برد وسلام يا جزاير
ناااااار بتحرق كل شئ
عين بتبكي وقلب حاير
والحدود شبّة حريق
والطريق أصبح رماد
واللى زارع وف خضارك
فجأة مصدوم عقله حاير
من حريق واخد حصاد
كم شهيد من جيشي مات?
يا جزاير يا ابيه وبندقيه
وايد وماسكه ع الزناد
واللى مات أصبح شهيد
تحيا تحيا الجزاير
رايه عاليه ف كل أيد
الكرامة والشهامة
شعب ضحّى
ب اكتر من مليون شهيد
والتاريخ كاتب بطوله
شعب حُر بقلب واحد
والعزيمة من حديد
برد برد وسلام يا جزاير
شعب مصر ليكو عاشق
والعروبة مش كلام
العروبة قلب نابض
دم واحد
واحنا اخوّة من زمان
في التاريخ ثورة جزاير
دم غالي ف يوم ما هان
واللى خانك واللى باعك
واللى حارق ف المزابل
كل واحد ليكي خان
واللى حوّل لون خضارك
واللى شاعل فيكي نارك
واللى هادم يوم فى دارك
إبن إبليس الشيطان
واللى شارخ فى جدارك
واللى كاسر يوم فى بابك
واللى عاشق يوم عذابك
فى الجحيم هيدوق مرار
مهما طال الليل حدودك
بكرة راجع بالنهار
مهما زاد لهيب غاباتك
الله يحمي كل شعبك
كل جيشك كل أرضك
وسماكي وكل دار
برد برد وسلام يا جزاير
يا قوية يا اميرة
يا جميله بتاج وطرحة
بكرة يرجع عيد بفرحه
والرماد يصبح خضار
برد برد وسلام يا جزاير
بقلم الشاعر المصري
أحمد إبراهيم النجار
التعليقات مغلقة.