برواز السعادة …بقلم الشاعر محمود فهمي
كنت عايش 1000 دور
كنت لابس 1000 وش
كنت باهت جوه قلمي
كنت اداري كل ألمي
و يكتبني شعري من سكات
مره أمثل اني عايش
جوه برواز السعادة
تغني وياي الربابه
ضحكتي تطلع تجلجل
تكتب وياي القصيدة
ومره شاعر حزين وطايش
ويبكي جوايا 1000 ناي
وتتغير كل الوشوش
والقى نفسي جوه سور
تتعرى جوايا المعاني
وأكون خريف
ورقي بيدبل
واشوف ملامحي
في المرايا لما بكبر
تسرق دموعي القصيدة
ولسه عايش كل دور
و يكتبني شعري من سكات
التعليقات مغلقة.