بستان العمر بقلم شيماء عادل
بستان العمر دموع فدادين
وبيطرح حزن بقاله سنين
ولا فرح خضاره بيشفعله
علشان يقدر يزرع أراضيه
ده سموم م الهم
ماشيه بتوزع خطاويها
وبتجرح فينا و ف قلوبنا
وادينا بهمومنا اهو دوبنا
والروح مهمومه وبتعافر
وتساوم قلبنا علي وجعه
تبل الريق م الفرح ساعات
و بنظره شوق لكن باهته
بتشب جراحنا بافكارها
عن روح طابت ف سنين العشق
مراسيل ضاعت والقلب شتات
وانا قلبي يبات
متمرد عل الحاله بطبعه
وانا عاشقه اهات
انا نص الكلام العقل ثبات
والنص التاني يغيب توهان
تقلب بجنان
وبعيش النص علي بدايته
وبكتب جواه كده احلى كلام
بتاخر في نهاية الفكره
استني واقول يمكن بكره
اعمل سطرين خاتمه لنصي
فيمل البوح
قلبي المجروح
حدوته وعايشه بتتكرر
وملامح دمعنا تتغير
وصورتنا قلب بيتنفس
يضحك م الوجع العاجز بيه
ويشيب ف اللحظه حنين معانيه
لو ضحكت من تاني حياتنا
هنخاف م الفرح بكل ما فيه
التعليقات مغلقة.