بس لو تكتمل الفكرة …
جمال زكي عينر
بس لو تكتمل الفكره
كنت اعيش احلم لبكره
نفسي بعد ما اطوي ليلي
اصحى اتفاجيء ببشرى
نفسي القى الخلق كله
مبتسم عايش حياته
يلقى شمسه ويلقى ضله
فرحة بتبدد آهاته
آه لو القى دنيا تانيه
دنيا فيها الناس محبة
دنيا فيها اليوم بثانيه
خير بييجي حبه حبه
آه لو الناس كت تعدي
لبعضها كل الخطايا
تقصر الشر وتهدي
وانكشف تستر غطايا
كت حتبقى حياتنا جنة
كت حتبقى الناس في راحة
كان حيبقى الرمل حنة
دنيا تتحول لواحة
نفسي مرة ييجي يوم
تنكسر فيه الهموم
تنتصر فيه المحبة
تبقى دايمة البسمة دوم
بقلمي الشاعر جمال زكي عينر
التعليقات مغلقة.