بشويش … بقلم الشاعر محمد عبد الفضيل
وطي حسك
خبي وشك
مش هتقدر علي اللي جي
ناوي يعني تبقي ثاير
علي الصغاير والكباير
والله يابني لو هتنعق
زي غربان الجناين
مش هتلقي الحق باين
هي خية ماليها زي
حزموها ورقصوها
وأما غليت رخصوها
شربو كاسها
ونسيو ناسها
واما ليل الأنس باسها
طال نعاسها
رغم إن الصبح جي
الليالي فيها عتمة
والنهار غيمة وظلام
والربيع بالطقس كتمة
والسحاب ع الشط عام
لو هتصرخ ألف عام
مش هتلقي حد حي
خبي حلمك جو ليلك
للكابوس يصحي ويجيلك
شكله متعبي وناوي ليك
لو هتتعب مين يشيلك
كله بكره راح يجيلك
يطبخوك في القدر ني
طب يحنن ياللي عايز
شبت وبقيت م العجايز
عتمتك مالهاش عزايز
لجل تدي الصبح ضي
التعليقات مغلقة.