بعد طولت الانتظار قصيده من ديوان حرف المشاعر بقلم الشاعر محمود فوده
لقيت نفسي في وقت ما هي رجعالي
أمل طارح في يوم بكره من امبارح
لكن نور الامل باهت ملوش عنوان
وفكري في الهوى سارح وليه ناسي
بان الغيبه مهما تكون في يوم حبت
تلاقي القلب بيصدي وصداه بيبان
ولا بيفضل على حاله مادام جاله
اللي يشغل وقته ناس غيرك
مهُمَّش كانوا في الحسبان
يا قلبي اتهد بلا وكسه
دا حبك عمره كان نكسه
ولا بينصر في ساعة حظ
عايش عمرك معاه خسران
ساعات بيدق لك بابك
سنين بيغيب ولا بيسأل
فقله اي اللي كان جابك
مادام حبك ملهش امان
وكتف له في كام حزمه
في كام لفة هموم الليل
وسهر الليل مآنس وحشتي هي
لحد الجفن ما اتشقق من الاحزان
غريبه تقوله يا وحشني
وصعب عليه دا ينطقها
بلهفة شوق وتنهيده
وتغريده كما الالحان
ورغم قلبها القاسي بتنسى
لما كنت بقولها من قلبي وانا ببكي
عيوني موزعه دموعها على حروفك
ولما اكتب بلون خوفك
حروفك اسمك تنورلي السطور حبه
واقول ع الحب شئ يسعد بني الإنسان
ساعات بندب على حظي
ساعات بفرح واقول حبك دا بالدنيا
لكن اوقات عذاب الحب دا بيقتل
في شئ جوانا كان ذكرى لأي زمان
واقول بكره هيرجعلي
واعود احلم واكرر حلمي في منامي
واعيش في الحلم من تاني
ولا بتعتقني أوهامي في أي مكان
كأن الحب قيدني وبفرح لما اجيب سيرة
حبيب جوايا يسعدني بشوق وحنان
تقولي ليه معدتش فيه كلام عندي
في يوم احكيه
معدتش الحب ينفعنا
ولا عاد وقته يجمعنا وهعمل ايه
خلاص ايامنا بتعدي وليل ورا ليل
وشمس املنا مش طلعه تبان في عنيه
كلامنا كله زي البحر لو هايج
في وقت الموج ما يعلى عليه
كلام له صوت ملوش احساس
وحبي معاك يضيع بينا وليه ينداس ولا بتعنيه
ومن حزني على حبي براضي في روحي لو قلبي
مودع فيك اغلى الناس عشان بعتيه
منيش لاقي اللي حبيته يداوي قلب كان حبه
وكان يجمعنا روح واحدة حروفها
في الغرام دي أساس وباقي عليه
هودع فيك سنين حبي هودع فيك أمل قلبي
هودع أجمل الملكات كانت تتمني تحلمبي
هودع كل شئ ياما كان في الدنيا
فكرني بقلب اتشاقت عمري الاقيه
ساعات بيكي عشان منظرش لعنيكي
عشان محلمش يوم بيكي
يا قاتله فيا كره الدنيا وعتابها
قفلتي كل أبوابها خلاص دلوقت مش ليكي
خلاص قلبي اللي عاش سكرات الحب من بعدك
شاف أيام عذاب الدنيا وآلامها
قوليلي بس فين وعدك وفين اللي اتعهدنا عليه
التعليقات مغلقة.