بعشقك…كلمات أشرف الشناوي
هو عيب انى احبك
او اقول انك حبيبتى
والا احلم يوم بحضنك
هو عيب لو حد يعرف
انى عاشق ليكى خالص
هو عيب لو يوم شافوكى
جنب منى ماسكه ايدى
او شافوكى مره جايه
شايله قلبى بين كفوفك
الحكايه عادى جدا
انى احبك ايوا جدا
مهما قالوا عن قساوتك
مش هايخلص يوم هوايا
هاعشقك لو حتى لسه
قلبى فاضل منه حته
هتلاقيلك فيه مكان
عمرى مانسيتك فى لحظه
او حاسبتك عاللى كان
لو جراحى جوا منى
والوجع مالى الغيطان
برضه حبك زى ماهو
اقوى من غدر الزمان
صدقينى لما باحلم
ألقى صورتك فى المنام
برج عالى للحمام
صدقينى لسه بينا
ياما يعنى كتير كلام
هو عيب لو يوم شافونا
مره من غير مايلمونا
يحسدونا والسلام
اصلهم لو مره حبوا
كانوا حسوا الانسجام
القلوب لو جد عاشقه
عمرها مافيوم تنام
ايوا قلبى ليها عاشق
بس عاشق باحترام …………….
اشرف الشناوى
شاعر عاميه
البرامون
التعليقات مغلقة.