بقينا وحشين بقلم الشاعر / علاء الخولي
كل القلوب اتغيرت
بقينا وحشين
حتى النوايا اتوحشت
ومش حاسيين
ناكل فى بعض نظلم فى بعض
نقتل نفوس
على كل شيء حلو وجميل
نردم ندوس
كل الوجوه متلونة
ميت لون ولون
وشوش تشوفها حنينة
لكن تخون
صوتنا بيعلى فى الغلط
والحق تاه
ماشيين طريقنا بالغلط
عكس اتجاه
اتقل خيرنا وانتهينا
والعمر ضاع
العشرة هانت أقرب مالينا
الكل باع
الشر زاد جوه العباد
غابت طيبتنا
سكتنا خلصت قبل الميعاد
خلصت حياتنا
التعليقات مغلقة.