بكره تروق
قلم شيماء عادل
بروزو قلبي في كلمه
محسوبه على العمر عمر
عمر قلبي ما كان له كلمه
كان له دمعه
زي توب الخيط تكر
بروزو الأحلام ف شمعه
لو تهفهف جنب منها
تطفي منك
او تحروق باقي عمرك
عمري مكتوب ف الورق
بس اتحرق
قبل ما يكمل
الخصام بقى عاده
الوجع أصبح زياده
السنين محسوبه لينا
نبض بيموت بين ايدينا
واللي شايف
حاسد الفرحه ف عنينا
لو يركز ضحكه طالعه بدمع ميت
من سنين
خيط يكر
كادر ومفتوح
قلب مش قادر يبوح
الفهلوه مش للي ضرباه الليالي
ف عز ضهر مافيهش شمس
بيت بيتغابي
على ناسه بكل مافيه
احساس بيرفض انه يوم يحاكيه
باب مقفول
وست كبيره ع الايام
متاهه وعمر
قلب الست كله حنان
سحبوه مننا ف لحظه
وعمري الباقي
بقى دخان
مادد بالوجع كفى وبتوضي
بطهر قلبي من ذنبه
وبتخبي من الايام
شوارع كلها مواصلات
وانا وروحي بنتنفس
مع العالم
برغم الزحمه ف قلوبنا
لكن واسعه ليالي زمان
تحضن ريحة الايام
تسمع من ليالي الفرح
بتجبرنا نداوي العمر بالصلوات
وفرحة من السنين
تنده علينا بشوق
يا غاوي الوجع افرح
دا بكره تروق
التعليقات مغلقة.