بكره تفرج….شعر اشرف الشناوى
بكره تفرج من وسع
بتضيق قوى وبتتسع
والشطاره فى الوقوف
لو كل يوم حلمك وقع
بالامل تقدر تعدى
كل اسوار الحياه
بس يبقى جوا منك
اليقين بوجود اله
السعاده مش فلوس
او فانوس عفريت وجنى
السعاده انك تحول
دنيتك لو لونها بنى
للسعاده الف باب
وان قلبك يبقى عايش
جوا منك كل يوم
اكتر شباب
اوعى خوفك يبقى موج
ياخدك بعيد.. او يحطك
جوا سجن.. بسور حديد
او يكسر فيك امانى
او يسيبك صف تانى
او تعيش تحلم بضحكه
او يسيبك جوا محنه
دى الحياه فى الاصل رحله
والاكيد راح تنتهى
واوعى تزعل م القدر
حتى لو حلمك حجر
بكره لازم يوم يلين
احلى ضحكه تحسها
لو يوم حزين
غنى لو جرحك غويط
حتى لو حزنك عبيط
بكره تضحك عاللى فاتك
وانت بتعيد الشريط
الحياه تضربها صرمه
حتى لو قلبت بضلمه
عيشها جد وبظرميط ……………..
شاعر عاميه
المنصوره
البرامون
التعليقات مغلقة.