بكره ليك شعر : أشرف الشناوي
اوعى خوفك يبقى اكبر
م اللى يعنى حلمت بيه
او تسيب الجرح يكبر
فوق وجودك ويداريه
او تسيب حزنك يدقدق
فى الامل ويدوس عليه
لو ايمانك جوا منك
راح تعدى المستحيل
فاوعى وجعك يكسرك
فتعيش ذليل
كسر القضبان وطير
كل حلم وليه تمن
كان صغير او كبير
كمل المشوار وغنى
زى عصفور الصباح
وارمى حملك
عاللى خالقك
تلقى كل الكون براح
بكره تلقى الفجر جايلك
جاى بألف ومية صباح
بكره تلقى فى ليل دموعك
ورد طارح عالشطوط
بكره ترجع لابتسامتك
تمحى م الوش الخطوط
بكره هاتحس السعاده
فاوعى حلمك فيك يموت
مهما كان الحزن اقوى
بالامل حتما تفوت
التعليقات مغلقة.