بلاش زعل… بقلمي بنت مصر سولافا بسيوني
ركز كدا
معايا وفوق.
ما بلاش بقى
كلام متذوق.
وبلاش زعل
ولا في تفكير.
إفردها كدا
حبة وروق.
عاوز تفضفض
قول مالك؟
إحكي لي إيه
شاغل بالك!
إيه اللي بدل
أحوالك؟
خلتني أحتار
وأتشوق.
ما تيالله فك
التكشيرة.
وخلاص بقى
فضها سيرة.
هموم الدنيا
دي كتيرة.
بطعم المر
تدينا وبتدوق.
وريني الضحكة
على وشك.
ولا هجامل
ولا هغشك.
وإن كان الحزن
زار عشك.
تبات رماد
تصبح بشروق.
حتى لو البسمة
عزيزة.
وإن كانت
لفترة وجيزة.
هتفضل برده
ليها ميزة.
تشرح القلب
وتروق.
التعليقات مغلقة.