بلحن الموجي حنغني بقلم / أشرف يوسف
شعر مدح في الموسيقار
العبقري الراحل الأستاذ
محمد الموجي
بلحن الموجي حنغني
وقلبي يدوب في ألحانه
وانا اللي گتبت گلماتي
و قولت اه‍ديها علشانه
جمال صوته مع الألحان
بيطرب قلبي و وداني
ولو غني متين مره
أَقُولُّه ياموجي من تاني
نغم صوته بيشجيني
في گل قرار وگل جواب
و لو غني يدوب قلبي
معاه أگتر ما رق و داب
مقام الگورد گان يجري
في دمه بأروع النغمات
برغم اننو گتير لَحَّن
غناوي في أجمل المقامات
حليم غنالوا و مُحَرَّم
و ورده و فايزه و حُورِيَّه
و گانت بصمته حگايه
في لحنه لگل أغنيه
و لما الست غنت له
قالت للصبر عندي حدود
و ه‍و بصوته غناه‍ا
و قالها بالمقام عالعود
و غنالوا عادل مأمون
وشاديه تقول نجاة وصباح
ولو ما اسْمَعْشْ انا صوته
ليلاتي اتعب و لا أرتاح
وغني بصوته
فنجان شاي مع سجارتين
ما بين العصر و المغرب
و نظرة شوق مابين قلبين
مع السكر بتتقلب
وداالموجي اللى قولت عليه
ملحن صوته كان يطرب
ملحن صوته
گان يطرب
التعليقات مغلقة.