بلح الشام بقلم سامح لطف الله
وحياتك من غير حلفان
وبدون مشاوير الحنية
صعبانة عليا أحوالك
وهروبك بيأثر فيا
وبرودك بيشعلل ناري
ويشقلب طبعي عصبية
يا تحط خطوطك بوضوح
مش ناقصة منك مرازية
شقلبت حياتي وكياني
من نظرة وحبة حنية
والرمش الساهي كحولني
جاب داغي ف لحظة ملاغية
هتكمل مشوارنا يا ناصح ؟
أو دوست عليا بعربية
ع الخط التاني وحاططني
بتشعلل تانية اه بيا
ولا بلح الشام يوم هتطوله
ولا عنب اليمن العربية
العب بالنار شعلل فيها
واللسعة نصيبك في الجاية
التعليقات مغلقة.