بلدى يابلدى بقلم اشرف الشناوى شاعر عاميه البرامون
بلدى يابلدى
يااجمل صوره
حبك دايما اغلى ماعندى
واسالى عنى جمال او غاندى
صوتك دايما فوق فى العالى
اجمل شئ فى الكون دا بلادى
بلدى يابلدى
يااجمل صوره
مهما الريح ياخدك ويجيبك
هافضل كدا وتملى حبيبك
ازرع أرضك واحضن نيلك
بلدى يابلدى تعيش مواويلك
بلدى يابلدى
يااجمل صوره
ساعة الجد هتلقى ولادك
حلمك فى المشوار او زادك
وسط النار هتلاقى وحوش
تشتال قلبك كدا وتحوش
جايبه الشمس معاها وجايه
فوق الرمل وتحت الميه
كله بيحلفبك يابهيه
بلدى يابلدى يااجمل غيه
بلدى يابلدى
يااجمل صوره
شايفه الصبح ازاى بينادى
يرسم ويحضن كدا فى الوادى
اجمل ورد دا ورد بلادى
تسلمى يام الضحكه الغاليه
بلدى يابلدى
يااجمل صوره
هاتى الفجر ودقى النور
شيلى لجامك هدى السور
تلقى ولادك بدروا البور
عمر الكلمه ماتعرف ضلمه
من غير كلمه الحق يغور
بلدى يابلدى
يااجمل صوره
عمرك عش وانا العصفور
……………….
التعليقات مغلقة.