بمناسبة أعياد الشرطة:على حسك بنتمشى …بقلم خون أنوب الجديد معوض حلمي- الفلاح الفصيح -منشأة بطاش تمي الأمديد دقهلية
بمناسبة أعياد الشرطة:على حسك بنتمشى …بقلم خون أنوب الجديد معوض حلمي- الفلاح الفصيح -منشأة بطاش تمي الأمديد دقهلية
ياشرطة مصر محلاكي
ياســـهرانه ف حوارينا
وجيشنا يحمي وياكي
حدود شايلينها ف عينينا
بلـدنا نبـــضها عايــش
بيحيي العـــزم لولادي
في عيد الشرطه بنجدد
تاريخ من عز أجـدادي
هانبني فيــــها ونعـمر
من الدلـتا إلى الـوادي
ونعـمل ثوره ع الغـازي
إذا فكــــــر يعـاديــــنا
ياشرطة مصر محلاكي
ياســهرانه ف حــوارينا
وجيشنا يحــمي وياكي
حدود شايلينها ف عينينا
ياشرطة مصر محروسه
عـلى خوفــــنا وبتــفزي
بترصدي خلق مدسـوسه
عقـول للجــــهل بتـغذي
يامـاده إيديكي لإيديـنا
وفارده الأمــــن حوالينا
ومهـما روحـنا أو جـينا
بنفـتح عيـنا نلقـــــــاكي
ياشرطة مـصر محلاكي
ياســـهرانه ف حــوارينا
وجيشنا يحــمي وياكي
حدود شايلينها ف عينينا
ياشــرطة مصر ياعفيه
عـلى حسـك بنتـــمشى
وتحلى الصحبه ع النيه
عـلى نيـلك ونتعــــشى
ونسرح للغيطان آمنين
وتدور السـواقي حنين
ونزرع فيها غـله وتين
ولوف يوصـــل لشباكي
ياشرطة مصر محلاكي
ياســهرانه ف حــوارينا
وجيشنا يحــمي وياكي
حدود شايلينها ف عينينا
ياشرطة مصـر أنا بيكي
بانام ف سريري متـطمن
ياشايله مصر ف عينيكي
وسلاح ف إيديكي متأمن
ياكاسره سباعنا ووحوشنا
ياكحله وزاينه ف رموشنا
ياراسمه الضحكه ف وشوشنا
وتحـلى الفــرحه وياكي
ياشرطة مصـر محلاكي
ياســهرانه ف حـــوارينا
وجيشنا يحــمي وياكي
حدود شايلينها ف عينينا
التعليقات مغلقة.