بندور وبندور
بقلم : زينب عبد الكريم
بندور………. وبندَور
بنتفتش على نفسنا بنتحير
ظلام دامس جوانا
وناس حوالينا كل مالها بتتغير
احنا ايه ؟
وجينا ليه ؟
اسئلة رافضه تتفسر
شباب تايه في غربه ماشي
ووطن قاسي ووضع مدهور
احنا ايه ؟
عايشين ليه؟
وبكل غرور لسه نتمختر
نغني بمجد امتنا
وننسنا حاضرنا المتعتر
ولسه ولسه بندَوَر
هدف مفقود
امل مفقود
مفيش غير وطن موجود
وهوية مواطن لسه بيدَوَر
اسمه مش بقا واضح
اتمحى بدم قلبه اللي اتعور
برصاصه طايشه بقلب بارد
من وغد ملعون.. متهور
..البيلسان…
التعليقات مغلقة.