بنظلم ليه….
شعر السيد الشيتي
بنظلم ليه وعارفين انها فانيه
ومش دايمه
وعارفين ان في قيامه
على العالم اكيد قايمه
وناس بتصوم
وجوارحها مهش صايمه
وناس تايهه مع الهوجه
وناس نايمه
وناس ماشيه مع الموجه
وناس عايمه
بنزرع شوك ونجرح غيرنابايدينا
ياريت نقدر نصحى ضميرنا يهدينا
وبايدينا نخلي الدنيا دي جنينه
بنتسابق ف حرق الدم والاعصاب
وناسيين اننا ف الدنيا دي اغراب
ومهما الرحله هتتطول
هنبقى تراب
بنظلم ليه ونبقى القاضي والجلاد
ونبني حكم عشوائي
ملهش ميلاد
يضيع غيرنا ويلبس ع البراءه حداد
ال انظلم بيموت ميت مره قبل الموت
حاسس كأنه انكسر
يبكي ومن غير صوت
عايش مابين البشر
لكنه جوه تابوت
طريق الحق ليه دايما
يبان مهجور
وكلمة حق بنقولها
تقف ف الزور
ياريت الحق ف قلوبنا
يشوف النور
بنظلم ليه ونستكبر
ونغلط والزنوب تكبر
وفوقنا ربنا اكبر
ياريت نلحق ونستغفر
التعليقات مغلقة.