بنوفي … أغنيه شعبيه جديده للشاعر : أشرف يوسف
بنوفي وغيرنا ليه بيخون؟
و بسهوله يا ناس بنهون
حاجه من اتنين ياإمااهبل
يا إما أكيد أنا مجنون
زمن قاسي مفيش فيه ناس
بتعرف يعني إيه رحمه!!
بياخدونا و لما نتوه
أوام ينسونا في الزحمه
بنبقي بجد حبايبهم
في حَوْجِتْهُمْ يا ناس لينا
وغير كذا لا ما يعرفوناش
يا ويلنا يا مر ليالينا
يخونهم ملحنا و عيشنا
و إخلاصنا اللي قدمناه
يعيشوا الفرحة واحنا نقول
في كل دقيقه مليون آااااااه
زمان كان قلبي بيسلم
في عز ما كنت بتألم
لكن دالوقتي توبت خلاص
عشان من جرحي هتعلم
عشان من جرحي
هتعلم
السبت بتاريخ ٢٠٢٢/٧/٩م
بقلمي : أشرف يوسف
التعليقات مغلقة.