بهيه وياسين بقلم اشرف الشناوى شاعر عاميه البرامون
انا شايفك
جوا عيون الخلق
حكاوى
وبحبك قد
ماكل الناس بتحبك
اصل انا غاوى
واعملك من احلامى
كمان فساتين
وان شوفتى
فى يوم الحزن
فى قلبى هدارى
دموعى
مع المساكين
وازرعلك طينك
تمر وحنه
كمان فدادين
وهدارى جراحى
واتوه وسط
الملايين
انا أصلى بحبك
موت من يوم
ماعرفت
انا مين
وهانفضل كدا
عشاق
وبهيه تحب ياسين
ولا عمر العشق
ماكان اتنين
يتقابلوا
ان حسوا حنين
العشق تحس
بروحك طايره
على الميادين
مش ترسم وش
حبيبتك
فوق بلكونة قلبك
وأنت حزين
لو عاشق ليها بجد
اكيد هاتحسك
لو فى الطين
صدقنى الحب
ان كان فيه صدق
يعيشله سنين
وأسأل عن كل
حكاوى العشق
تشوف مجانين
انا شايفك جوا
عيون الخلق
بلابل مش بلالين
وهاحبك لو خلونى
لوحدى من المساجين
انا طير سرقاه
كل السكاكين
فبلاش تعملى
من عشقك يوم
زنازين
وبلاش تعملى
من عشك
للى خانوكى كمان
فتارين
انا شايفك
جوا عيون الخلق
اميره ليوم
الدين …………………
التعليقات مغلقة.