بياع الوجع
أبوشمس سالم
آآه ياسنين المرّ فيكي هدّني
زرعت فيكي
صبر جُهّدي بالكفاح.
طرحلي شوك بالهم كان بيشدني !!
ليه كل حلم
حلمت بيه بيذلني ؟!
ليه فيكي حزن بدون سماح ؟!
سبت حقي وضاع بلاش !!
كأني صورة بدون فلاش !
قطر حظي تاه وغاب !!
فضلت واقف ع الرصيف
بس طوّل ليه مجاش !!
يا دنيا فيكي الحُزن عاده ؟!!
أشوف وشوش الناس بتضحك.
وتيجي عندي تحط سكر
طعمه ساده !!
شِلت ذل فوق كتافي.
كإن حمل الذل عاده !!
آآه وآآه يادنيا آآه؟؟
موتيني مرة واحده بدن إعادة !!!
شعر عامية
التعليقات مغلقة.