بياع كلام.بقلم.شيماء عادل
اراجوز يحاوط عمرنا بكلام
والساقية مش بتدور
بيلم فينا بالساعات
بيرص اوجاعنا ف طابور
يرقص على انغام دموع المجروحين
والضحك يتمايل يمين
اراجوز يعشمنا لساعات
إن العيون لو تبتسم جواها فرح
يرسمنا ع الموج عزف معدوم الانين
ضحك الجميع من غير حساب
سحب الوجع من بين ايدينا بكل حب
ورماه علي الأرض بحلاوة روح
سَكًنْ وجعنا برقصة الموت البطيء
وكأنه ساحر يسحبك من غير كلام
الدنيا كالطير المسافر في الغروب
بيتوه في جوف الليل لو حل الظلام
ممنوع نحن لدمعة مغشوشة لسنين
او ضل ساكن ضلنا
او لحظه لليوم الحزين
ممنوع تغش الصبر
وأنت من جواك حزين
التعليقات مغلقة.