بيض الثعابين …. بقلم وحيد علي الجمال
كان عمي حسن فاتح دكان
دخلت له الحيه وكان نعسان
وفي قلب الدرج باضت بيضتين
وفي لحظه العمر خلص في الحال
والطيب قام قفل الدكان
كان فاكر أن الدنيا امان
الحيه ريحتها بقت في الحيط
والخلق بتسال ايه فيه ايه
فيه حاجه بتشبه ريحة الموت
وصاحبنا حياته مهش في المود
من كتر الهم عايش مكبوت
واتجمع أهل القرية في سوق
تفتيشه هينفي أي شكوك
واليوم جاب يوم والدنيا هموم
والجو مابينهم بقى مشحون
والناس من غيظها بقت بتذوم
والعمدة اتحرك بالتليفون
فتش ياغفير ياحزين بشويش
اوعاك تفتح صناديق الخيش
دي فلوسنا وقوتنا واكل العيش
أو تفتح درج الشيخ درويش
كان شايل فيه يجي ربع حشيش
اوعاك تسرق في بضاعتي يابقف
انا ليه حاجات توصل للسقف
لاقوا جسم الحيه دايب في الموت
كان فاضل بيضها علشان يدسوه
أتحايل عمي حسن يسبوه
ايه ذنب البيض بفراخة تموت
فقص الملعون طلع ثعابين
رباهم عمي حسن الاثنين
كان كل يومين يأخذ تطعيم
والسم في دمه ملهش جروح
مافضلشي كتير ويشد الروح
كبروا الثعابين وبقلهم ورث
والشكل اتحول بني ادمين
والسم اتفرق على الملايين
سلطنهم عدى حدود العقل
لا بينفع فيهم دين ولا راي
بين كل بيتين بيهدوا بيتين
والأرض بتاكل في المساكين
والنار شبت مسكت ف النار
والعيشه بتطرح الف مرار
من غير الرحمة ماترفع صوت
بقى كل كلامهم بالجبروت
كان فيهم واحد كان شرير
لا يحب العذر ولا التبرير
والثاني تشوفه تقول بسكوت
من طيبته تحبه كأنه اخوك
من تحت لتحت طبيعته سهن
شرير غلبان يسحر في العين
لافف على نفسه الرأس والذيل
كان يطلب منه بوش حزين
أن شافه بيذبح صاحب ليه
يذبحه بشويش
والاصل اتحول خرده رموه
والفالصو العيرة كتير حبوه
من كل بلاد الأرض جابوه
ولأن الشر اتربى في شر
مايحبش ابدا طعم الخير
تتصور يوم يبقالو ضمير
الجرح النازف في عروقي
محتاج تطهير
محتاج من دمك ذرة خير
راح تكبر يوم وتجيب ملايين
وهتنهي في يوم زمن الثعابين
التعليقات مغلقة.