بيكيا ….بقلم علا فياله
ببيع الحاجات القديمه و ساعات
حزينه و كلام لناس مش مهمه ..
بيبع السنين اللي حاضنه السكات
و دمعة بتنطق بمية ألف كلمه
بيبع لمه كانت بتقدر تفوتك
في وقت انكسارك و عسرك وحيد
و لما في فرحك بينطق سكوتك
تجيلك ما تفرح بإنك سعيد
بيبع الأمانه في توب الخسيس
و عشره تضلك في عتمة طريق
بيبع المهانة بسعر الرخيص
و وش و قناع اللي عامل بريء
ببيع الوضاعة في سوق الكلاب
و لمة مصالح في صحبة صحاب
في سوق الندالة هاتلقى العجاب
أقرب ما عندك واخد مكان
التعليقات مغلقة، ولكن تركبكس وبينغبكس مفتوحة.