بينا نحلم…بقلم اشرف الشناوي شاعر عامية البرامون -المنصورة
الحياه
حلوه وجميله
والسعاده ممكنه
مش مستحيله
والأماني بالخطاوي
مش بعيده
المهم الحلم
يفضل جوا فينا
بكره يجي الصبح شايل
الف بر والف مينا
طول ماصوت الفجر طالع
يبقى بكره راح يجينا
الحياه حلوه وجميله
بس نتعلم نعيشها
حتى لو ملناشي حيله
الأمل عكاز في ايدنا
لو في يوم عالنور بعدنا
توهنا يعني او نسينا
راح يجينا ويساندنا
لحد روحنا ماتلاقينا
السعاده ممكنه
مش مستحيله
لو في يوم
بطلنا نحلم
تبقى دي هي الهزيمه
لو في يوم
بطلنا نحلم
تبقى دي هي الهزيمه …………..
التعليقات مغلقة.