“بين الواقع والخيال” بقلم/أبو شمس سالم
ست الحسن ياللي ماشيه
سلفيني 100جنيه.
سلفيني وانتي ساكته.
بس اوعي تقولي ليه.
شلت همّ فوق كتافي.
بس هحكي ازاي وليه؟!.
…….
همّ ايه اللي انته شايله.
تعالى فضفض بس قولي.
دموع عينيك دي فكرتني.
بيوم فراق صاحبي وخلي.
اللي كان روحي وحياتي.
كان معايه زي ضلي.
كان لي وقت العطف أمي.
كان لروحي سكن تملي.
عمري ماعرفت بوجوده.
يعني ايه معنى التخلي.
سيبك انتا من همومي.
بس مالك انته قولي.……..
إبني نفسه يبقى ظابط.
بس ابوه سالف الجنيه.
حلم يصعب نول وصوله
بس اقول لابني ايه.؟!
بيتي حتى قديم ودايب.
والعيال مدفونه فيه
يابنتي دايمًا كل واحد
جوا بيته اللي ومكفيه.
…….
خلاص ياعم وجعت قلبي.
لربك ادعي وصوم وصلي.
ساعات تصادف الاجابه.
لودعيت ساعة تجلي.…….
مش قادر احكي خلاص كفايه
واللي شوفته يارب دايمًا ماتشوفيه.
ربك يابنتي مُجيب حنون.
عايز امشي يالا هاتي 100جنيه.!
بقلمي.. ” شعر عاميه”
“دراما بشعر العامية”
التعليقات مغلقة.