بين حبالك بقلم اشرف الشناوى شاعر عاميه البرامون
كنت فاكرك
شايله همى
لما انده تسمعينى
لما أبكى او
اغنى
بس ياخسارة
هوايا
كنت فاكرك
زى امى
كنت عاوزك
ضهر ليا
لما تقسى الدنيا
ديا
ألقى حضن
يساعنى والقى
حد بيطبطب
عليا
كنت فاكرك
حلمى الاخضر
اسقى فيه
يكبر ويكبر
كنت باحلم انى
اشوفك
ضحكه بتعدى
الوجع
بس مالقتش
فى خيالى الا
قلبى اللى
اتخدع
ليه تدوسى اللى
ف طريقك
وانتى عارفه انه
الجدع
شال دموعه
بين ضلوعه
لما عاد زى البجع
لما لامك
لما جالك
وف منامك
عن همومه قام
حكالك
شيلتى شالك
قام حبالك
بين حبالك
لما شوفتى عينيه
قبالك
قولتى يعنى
ماخدتى بالك
قام نادالك
رغم ذلك
وديتيه جوا
المهالك
فاستجارك
من حمارك
اللى عضه فى عقر
دارك
فاستخار المولى
تانى
فى اختيارك
انه يبقى من
فخارك
لو هيفضل جوا
نارك
لما يطلع يوم
نهارك
او يعدى الفجر
تانى
باللى باقى م الاغانى
يلفق الحلم اللى ضايع
باللى فاضل
م الامانى
لو ثوانى
خلى قلبى يدق
تانى
لو ثوانى………………..
التعليقات مغلقة.