بُسبُس و نادين بقلم محمد مكاوى
انا بنّوته و صغنتوتة
و ف مدرستى م الشاطرين
عندى ف بيتنا
قطة جميلة
بتنام جنبى
كل ليلة و بتصحى تلعب حواليا
و باشربّها لبن
بإيديا
هى بُسبُس و انا نادين
انا بنّوتة وصغنتوتة و ف مدرستى م الشاطرين
كل اصحابى بيحبوها
و بيجوا عندى يلاعبوها دى بتبقى فرحانة بيهم و بتتنطط من حواليهم
بفيونكة حمرا ف رقبتها طالعة بيضا زى ابوها
انا بنّوتة و صغنتوتة و ف مدرستى م الشاطرين
بتفرح لو حد يشيلها ولّا حتى بيناديلها
وكل الخيوط بتكعبلها و تنط لو ورقة ف ديلها و تلف زى
ساقية وراها و احنا بنضحك مبسوطين
انا بنوتة و صغنتوتة و ف مدرستى م الشاطرين
…………….
التعليقات مغلقة.