تايهه ليه… بقلم الشاعر محمود فوده
تايهه ليه
وسط الحبايب قولت ادور يــوم عليـــها
مشتاق وقلبي اشتاق لها في نظرة عنيها
يا مـدوبانــي وليلــي بيك أصبــح نـــهار
وصباحي من قبل الشــروق بيحن ليـــها
كل النجــــوم فـــــي سمـــانا غاروا منَّها
علشان في قلبي وقلت عمــــري بحبـــها
حتــــى القمــر كــان بيسابقها كل يـــوم
أهو صار بيعشق في الهــوى لون ظلــها
وسط الحبايب قلبي دايب م اللــي فيـه
قولولها بيكفي الغيــــاب ليــــه تعذبيـــه
في صبحنا طارح بالنــدي يروي الزهـــور
يبقى جزاء قلب اللي حبك يســـاوي ايـه
فكـــروها باللـــي كان يـوم بين إيديــــها
قـــال حبــــها بقى عندي بالدنيا وما فيها
قـــال لو هعيش علشــــان حنانها وقلبها
دا كفايه قلبــي في المنــام كان بيواسيها
بحــــر الغـــرام من غير كلام سلــم عليك
باعت سلام حب وغــــرام مشتــاق اليـك
يلي في هواكي ناسيه ليه قلبي اللي داب
والـــروح ما بين كل الحــبايب بتنـــاديك
مشتاق لقلب نبضـه كان فــــرحة زمـــاني
مشتاق لـــروح من همسها تحيينـــي تاني
وترجع الماضي اللي كان ذكـــرى جميلـــه
بقى مستحيل ليــه قـــربي يا مجننـــاني
وسط الحـبايب تاه ليه جمـالها وسحــرها
دا الفكــر شـــارد لو غــابت طول عمــرها
كان نفســـي اكون ليها الأمل فارد جناحه
قلبي فـي براحه كان ليها ورده بعطـرها
من ديوان على قد الشوق
بقلم الشاعر محمود فوده
التعليقات مغلقة.