تباريح…
بقلم سيد جعيتم
تباريح
يصب الحب هواه تباريح
بتحدفني في قلب الريح
مع المجاريح
يموج الوجد جوايا
وأمواجه بتسحبني
تغرقني في بحر غريق
ويجمعنا الصبر
يصبرنا على عوده
وشوكه نار تعذبنا
وتجلدنا بسوط من نار
ويحرقنا لهيب جمره
ولا بنتوب
وقبل اليأس ما يسيطر
يهب العشق متعطر
ويكتب تاني ويسطر
كلام محسوب
في قصة عشق
وقدر مكتوب
علشان خاطرك
على حصاني
بقيت فارس
في أحلامي ولا عنتر
ولما الحلم يتمختر
ألاقي كابوس
يقولي خلاص
ماتتعشمش
وعيش دايًما وحيد
محروم.
بقلم سيد جعيتم
جمهورية مصر العربية
التعليقات مغلقة.