تتصوروا…
أحمد زيدان
تتصوروا …. لقطات قديمه
جوا برواز … او عرض سيما
ارشيف كبير … بيضم ايامنا السليمه
كام خروجه …. كام عقوبه
حب وافر كان مالينا
كم هايل م المشاعر
وقت حزن ف ليل خصام
جه و خبط
صحي لحظاتنا الحميمه
هيه هيه اللقطه باقيه
جوا لاب أو جوا درج
ماضي صحي الرحمه فينا
كل حاجه كات جميله ….
عندى حفله … اديني ساعتك …. خد قميصك … هات همومك …. خد سعادتي … كل حاجه كات رحيمه
قلوب خضار …. لحظات فريده …
بس الخسارة ملهاش إعاده
الفرحه فيها كات زياده
دلوقتي ليه حالنا انقلب
الكره ليه عرض وطلب
صلة الرحم بقت تواصل …. حتي العزاء
فينك يا صاحبي…. شغال م الصبح للعشاء
تشكي لحد يقوم شاكي لك
تحكي له فلسك …. نفس الفلس….. يقوم حاكي لك
حتي الخناقه شغاليه دايره
تروح تسلك … بمحيله زايده
ب اللي ف أيده يقوم عاطي لك
ضعنا و ضاعت روحنا ليه
فين اللي اتربينا عليه
تتصوروا ، تتخيلوا ! كم القذارة … ال مالينا
التعليقات مغلقة.