تحت الصفر كلمات أبومازن عبد الكافي
كنا فين وبقينا فين ؟!
إحنا كنا خيرَ أمَّة
بالإيمان كان فينا هِمَّة
كنا أمة ليها كلمة
ليها وزن وليها شأن
لما كانوا مغمورين
واحنا كان يحيينا دين
كنا رواد الحضارة
العلم لينا كان منارة
ومنهج الإسلام دليلنا
بالعمل والعلم فينا
سدنا كل العالمين
دلوقتي حالنا وصل لأيه ؟
وبقينا فين ؟!
منحنى قوتنا شايفينه انحدر
من نقطة القمة اللي
عشناها لمئات السنين
وصل لعند الصفر ياخسارة
وصار مسار المستقيم
سهم راس المستقيم اللي اتعوج
نزلت لتحت !!
وتحت الصفر !! بالسالب
بقينا مذلولين !!
بالأسامي بس !! في بطاقة الهوية
بيحسبونا مسلمين !!
إحنا كثرة آي نعم
بس في الفاضي !!
غُثاء السيل بيروح جُفاءً
لمَّا يِجِنّ علينا ليل
متلاقيش غير الأنين
لمَّا هجرنا
نهج خير المرسلين
بقينا في الديل مسحوبين
وعشان كده
ربك عاقبنا بالسنين
قولولي امتى ..
امتى تفوقوا يا مسلمين ؟!!
……………….
عبد الكافي فاروق عبدالكافي بدوي .
- السبت
20 /11/2021m
التعليقات مغلقة.