تحت المطر بقلم الشاعر.. رضا ابو شنب
تحت المطر وقابلني حبيبي
حضن ايديا وطفي لهيبي
بص في عنيا وقالي بحبك
وبحب انك تبقي نصيبي
تحت المطر ومشيت وياه
والكل شافنا وقال الله
شفت القمر بيبص عليه
وساب سماه واتمشي معاه
المطره فوقنا وبتبوسنا
وبتدعي ربنا يحرسنا
من اللي عينه ياكلها الدود
ومن عنينا ومن ناسنا
ماشين طريقنا شمال ويمين
ولا حتي نعرف فين رايحين
ماشين وبنزف في روحنا
والعين تبص في نني العين
وسمعنا واحد عنده كافيه
موجود كراسي وقهوة يا بيه
خليك معانا وخد راحتك
ولو تحب هتشرب ايه
والقهوة سكرها زيادة
وبسرعة نزلت كالعادة
وشربت من فنجان قلبي
وفي عينها حسيت بسعادة
وقمنا نتمشي شويه
علي الرصيف جنب الميه
وقلنا ننسي بقي الدنيا
وتحيا عيشة الحرية
ولقينا واحد عنده عصير
وبرتقال وفي شوب كبير
قربنا وبنسقي في روحنا
وروحنا كانت زي الطير
والساعة عمالة بتجري
بتسابق القطر المجري
بتقول لابد هنتفارق
الوقت عدي ومن بدري
وايديا مش عايزه تسيبها
وعينيا محتاجه تاخدها
ودموعي نزلت علي خدي
بتقول يارب ابقي نصيبها
بتقول يارب ابقي نصيبها
بتقول يارب ابقي نصيبها
التعليقات مغلقة.