تركت الورد للأيام
شيماء عادل
تركت الورد للأيام
وخدت ميته ف ايديك
زرعت سحابة بايديا
تمطر اروي بيها الروح
سجنت العمر وسحبت الآمال بشويش
بتدبح روحي بالراحة
وتوعدني
تخالف كل مواعيدك
تروح ما تجيش
ابعتر روحي ع الايام
واخالف كل قوانينها
ولو ترجع ف يوم يا زمان
هدوس على روحي اعدمها
هَكَسًر كل خيط يربط
طريقناالجاي
هوزع شمسي يوميا
هحارب نبض روحي اللي انكسر وياك
باختصار مليت وجودي
انسحبت وف سكات
ارغي اخر جملة كانت
صمت بيعلي الآهات
رَسَبِت اوجاع ف حلقي
ضيعت كل اللي فات
وف سكات
غميت عيوني
صرخة كانت بين جفوني
باختصار مليت وجود نبضي الضعيف
اصبحت ليا شئ مخيف
ودعت عمري وف سكات
طب سيب عزا لقلبي اللي مات
شيماء عادل
التعليقات مغلقة.