تعبتيني…
مسعد البحراوي
تعبتيني
ملكتيني يابنت الإيه
مجرد عينا مااتقابلوا
جمالك سحر توهت انا فيه
ماشوفتش بعده ولاقابله
ياسبحان اللي خلاني
أشوفك حتى لو صدفه
وجودي معاكي لثواني
كفيله لقلبي انا يصفى
أنا البردان فسامحيني
حضنت ف صورتك أدفا
يابنت الإيه جمالك فيه
حياة لكيان كان اتوفى
بحبك وانتي مش عارفه
لأني ماشي جنب الحيط
لا برفع شفه عن شفه
ولا بهتم بالإتيكيت
ماليش في الدنيا غير ساقفه
تقول لاكرهت أو حبيت
كأطرش ماشي في الزفه
بحاسب نفسي ميت مره
وعندك إنتي ماحسبتش
دا لو قالوا امتلك قاره
وسيبها هقول دا مايصحش
تعبتيني
تعبتيني ومش قاصده
وقاصده وله مش قاصده
حكايتي ف نبذه مقتصده
(تذاكري دافعها… مركبتش )
مسعد البحراوي
التعليقات مغلقة.