تعبت القلب.بقلم.الشاعر محمود فوده
يمين بالله كلامـي معــــاك
معــاد نافــع هـزار ولا جـد
أواســي القـلب ويا الـروح
ما الاقــــي حتـى منـك رد
يمين بالله بقيت مصــدوم
وتـايــــه وســط خـلق الله
عشان حبيت وكنت خدوم
ولا عمــري اشتكيت م الآه
تمـــر سنين وراهــــا سنين
بتجـــــــرح وانت ولا داري
ما بيهمكش أبقى حـــــزين
بقولك ليـــه تقيــــد نـــاري
بتبعــــد عنـــي على كيفـك
وترجــــــع وقت ما تفكــــر
ويوم ما احـتاج انا لطيفـك
حقيقــــي ما عدت بتقـــدر
خسارة الحب ضــاع ويــاك
فــــي زمن القهـــر والعيبـه
ومن إمتـــه الزمن قسَّــــاك
مفيش أكبرهـا دي مصيبــه
شربت المــــر علـى إيــــدك
ولا فكـــــرت يــوم تداويـه
عذابـي إزاى بقـــى يفيــدك
وقلي إزاى أخـدت عليــــــه
——–★——–
من ديوان دموع الحب
بقلم الشاعر محمود فوده
التعليقات مغلقة.