تعويذه تحتاج ساحرة الجيوب
قلم أحمد زيدان البلياتشو
اكسلانس استاذ كبير
شاعر و سارق نص
الشنجر بنجر هلس
السح الدح إنبوو
شارب و لحيه إتفوو
وياريت نبطل رقص
خربش ع المتعلم عَطس
جهلك ف عمق الغطس
فارد دراع الياس
حاضن معاني البؤس
شارب معسل قص
عفركوش بفركوش
كَدك تراب مفروش
عَرقك جَلَد منفوش
لحمك حلال منهوش
هبا استنجا لِينا
ترباس وعكس عكاس
خدك تملي مداس
غاوي تحب النقص
استاذ شيطان وسواس
واعظ لكل الناس
طالب مالوش كراس
ترزي و ناقصه مقص
قهوة و شله و تحبيشه
العمر زى التجريشه
الشيشه و ياها حشيشه
الأفيا تحكم ياحبيشه
اكازيون اليوم مجنون
الخمسه بشلن يا لموون
مفروم ف طبق الفووم
ملفوف في المنيوم
سوق الغلابه جبر
الرغيف بقا بجنيه
حق الفقير انهضم
ف جيب سعادة البيه
انا قبل مني كتير
اتحطوا ف الفتارين
تحت الطلب والعرض
و الاسم ناس عايشين
التعليقات مغلقة.