تقرير مصير بقلم / اشرف الشناوى
ابتسامتك
طوق نجاه
م اللى حاصل
فى الحياه
طول ماقلبك
فيه امل
تلقى حلمك
مهما تاه
اوعى ياخدك
حزن تانى
او تسيب
روحك ثوانى
عايشه من غير
الامانى
مهما كان
وجع الحياه
ابتسامتك
طوق نجاه
مهما كان
الليل طويل
بكره تلقى
الضحكه طله
جوا روح
المستحيل
بكره تلقى
الشمس جايه
جايه بالحلم
الجميل
بس خليك
بابتسامتك
زى ما انت
واوعى تختار
البديل
مهما كان
البحر عالى
اوعى موجه
يقل بيك
اوعى مره
تسيب لروحك
حد تانى يشتريك
ابتسامتك
هى بكره
هى سر القوه
فيك
هى دى روح
التحدى
مهما كان الصعب
عدى
واوعى قلبك
ينكسر
مهما كان الريح
قوى
خلى عودك
اقوى منه
خلى قلبك طير
يطير
مهما كان سجنك
كبير
عيش حياتك
لو ثوانى
وابتسم دايما
وطير
وابتسم دايما….وطير
التعليقات مغلقة.