تمثال حزين … هناء أمين
محتاج ترمم روحه يمكن
ينطلق جواه الحنين
فيصحّي روحه العاجزة تفرح
من سنين
ويودع الجرح اللي شقَّق
ع الجبين
وكأنه ميت خط اترسم
لسكك وجع
مكتومِة الصوت والأنين
تمثال عيونه اتحجرت
فيها الدموع
وكما الصحارى
عينيك سقيتها
اتخضرت فيها الربوع
ينبوع أمل
فجرته لما عليه ناديت
وسقيت قليبه المكتوي
وطفيت نيرانه ..
صبحت ليه
مأمن وبيت
دى الوقت أصبح تاني زيك ..
روح ودم
بشوقه ضم ..
الكون ولَم
أبداً ولن ..
يسمح بأن يرجع حجر
صوان أصم
……………
هناء أمين
١٣/٣/٢٠٢٠
التعليقات مغلقة.