” تنهيدة ” بقلم/ علا فياله
عد اللي فاضل م الصور
شوف المواقف و الأثر
مين كان في وقت الضيق معاك
ومين لاسمك ما افتكر
إيه بعني ناس ووشوش كتير
و لمه تقدر تخدعك
بتكون لوحدك مش بخير
ولا تلقى غيرك يسمعك
إيه بعد غربة ناس و روح
أو إن إحساسك يروح
القرب مش محتاج ل بوح
القرب محتاج الأصول
لملم مشاعرك م العقول
وافتح لنفسك باب جديد
انسى اللي سابك في الأفول
وعيش بإحساسك سعيد
حلمك ما عمره هاينهزم
عشمك في غير الله غشم
يا تعيش حياتك تبتسم
يا تموت بأفكارك وحيد
التعليقات مغلقة.