تهجر حياتي… أغنيه جديده كلمات أشرف يوسف
تهجر حياتي بأي حق ؟!!!
وانا قلبي مال لهواك
ودق ؟!!!
ووافقت بيك ولا هان عليا
ساعتها اقول ياحبيبي لأ
علشان ياروحي حاسه بيك
و مشاعري دايما بتناديك
سلمتلك أنا كل شئ
وملكت روحي بين إيديك
وبقيت احس بضعفي ليك
قدام عنيك وقت الكلام
حتي السهر ماعرفتهوش
إلا ف هواك و لا قادره انام
غيرت حالي أوام كده
و شغلتني يا حبيبي بيك؟!!!
وانا قبلها لا عشقت يوم
ولا دق قلبي إلا ليك؟!!!
بقي هو دا الحب اللي قالوا
يا حبيبي زمان عليه؟!!!
غير حياتي و دنيتي
وبقيت اخاف مش عارفه ليه؟!!
مابقيتش اخاف علي نفسي قد
ما قلبي كان بيخاف عليك
و لا اطيق فراقك ثانيتين
من كتر ما اتعلقت بيك
جي النهارده تقوللي ليه
إنساني وانا روحي ف إيديك؟!!!
دا انت اللي ليا ف دنيتي
ياحبيبي وانا برضه اللي ليك
إنت اللي ليا في دنيتي
ياحبيبي وانا برضه اللي ليك
الأربعاء بتاريخ ٢٠٢٢/٣/١٦م
بقلم الشاعر : أشرف يوسف
من ديوان : ليالي الغربه
التعليقات مغلقة.