تيجي نحلم بقلم فهمى محمود حجازي
تيجي نحلم بقلوب صافيه
مليانة سلام
تيجي نحلم إن احنا عايشين في وئام
ونمد إدينا لحبايبنا وللكل كمان
تيجي نرسم بكره لأمانينا
شمس وخضرة وأغصان وحمام
ونعلي الضحكة المكبوته
في عيون الطفل أما ينام
يحلم بربيع عمره الأخضر مستني
بيضحك قدام
وفارشله طريقه ليوم غده ورد وريحان
ونسايم ليل بتبوس خده
وحكاوي جميلة أما ينام
وشبابنا الواعد عوده شده
مالهوش في سجارة أو برشام
وبلدنا جميلة أحمد مع مينا
جسد واحد مشدود بحزام
وحزامنا أمان إسمه الوحده
من غيره هنسقط ونام
وعروبة عنوانها الوحده
وأصولها ماتعرف خزلان
والقدس تعودلك ياعروبه
تتحرر من إيد سجان
و في الأقصى صلاتنا الموعودة
وتتفتح كل البيبان
ونصلي صلاتنا المكتوبة
وفي الأقصى يدوي الآذان
التعليقات مغلقة.