تَلَت سلامات…حسن أبو عرب
تَلَت سلامات
تلت سلامات
باعتهم لك
سلام للرمش والننى
سلام لقوام مجننى
سلام ياقلبي طمنى
على حالك وأحوالك
دى نار أشواقى مرسالك
فليه لوثانيه بتسيبنى
يابلسم شوقى ودوايا
وسهمك صابنى كبدايه
حرام النظره دى كفايه
بتخطفنى وتسرقنى
ياساكن قلبى وحشايا
فى بحر عنيك مغرقنى
مهو انت وسيلتى والغايه
وموج اللهفه طوقنى
مهيش قصه ولاحكايه
مدام قلبك مصدقنى
دا شوقى لك بلا نهايه
ومين عنك يفرقنى
يانجم وطل فى سمايا
وخايف ضيه يحرقنى
التعليقات مغلقة.