ثورة راحه بقلم أحمد زيدان البلياتشو
اكمني انا ديما مش فارق
بالتالي الوضع مهوش فارق
انا مهما عملت بكون غلطان
فلذلك قررت أفارق
و لقيتني في ريئكشن تاني
وكاني عمارة 12 دور
و بدون شبابيك
و بدون أبواب
يسكنها عذاب
مهجوره تملي من الأحباب
بمناسبة إن الحب مجاش
انا مره صادفت حبيب بگاش
كان ديما ينسي أن انا طيب
و بسببه انا بسكن في الانعاش
احكيلكو حكايه قبل النوم
قبل الاحساس المتضارب
قبل الاشواق ما تخوض الحرب مع الراحه
اوقات الحرب في قلب الذات
لحظة ما بتمسك تليفونك
لحظة تفكيرگ في الماضي
توهان الفكر اللي محاصرك
اوقات بتعيشها علي الفاضي
خوفك علي غيرك من ظلمك
مع أنه الظالم و القاضي
سكرات الشوق اللي في قلبك
علي شكل حنين
و كانك غير البني ادمين
ادمنت جراحك و همومك
و ظنونك ديما بتخونك
وكأن عذابك في وريدك أصبح كوكاين
في سجل الحاله الشخصية
و شهادة بعض الناس ل الناس
جواك انسان قلبك لين
شخصگ محبوب حد حنين
مع انك ديما تتالم
ب تعيش إنسان لكن هين
المشهد فاصل من المشهد
تكرار و اعاده بحزفيرها
نفس المشهد عمال ينعاد
نفس الصحبه
نفس اللمه
و مخيفه الدنيا و عيزينها
اكمني انا ديما مش شيال
اصبحت الآن شايل أحمال
و مصادر طاقتي محدوده
و مازلت ايدي ممدودة
تتسول حب وراحة بال
التعليقات مغلقة.