جبر الخواطر بقلم مسعدالبحراوي
جبر الخواطر على الله
يآرب جبر الخواطر
صاب القلوب المذله
واللوم على كل خاطر
دستور ياسيدنا عمر
صبر قلوبنا بحكمتك
حبك في قلبي بيعتمر
والناس حادت عن سكتك
أتمنى أكون من دنيتك
تؤمرني وانا أنفذ وبس
واقرا الأمان من لكنتك
وبقيمته أعيش واشعر واحس
ياسيدي
ياصاحب القلب الشجاع
ياللي تموت خوف ع الجياع
منك وحوش قلبت ضباع
كونك جميل ولا فيهش يأس
العدل كان هو الميزان
وكان امان ياسيدي
الناس جميعاً والجيران
من أصل كرمك تهتدي
ياللي نصرت الحق حق
وكنت حازم حين ذاك
قلبي اللي علمتوه يرق
عاش عمره جاحد من أذاك
يابخت قلبي اللي هواك
ياسيدي
مين بعد منك كان أمين
وقال لبطنه تقهقري
كل اللي بعدك كان حزين
بيلف عاللحم الطري
ياسيدي
ياللي اقتفيت أثر الرسول
ياصاحب القلب الخجول
مين زي قولك كان يقول
ويصون عقول ياسيدي
النصر كان لاجلك حليف
كنت القوي لكن عفيف
بتطمن القلب الضعيف
وتحنن القلب القوي
ياسيدي
طاوعتني وياك الحروف
بشكر جميع كل الظروف
اللي خدت قلبي يشوف
جمال مشاعرك ياعُمر
يحلو بيك ليل السمر
واللي هيسمع يقتدي ياسيدي
التعليقات مغلقة.