” جدار الروح ” بقلم/ وحيد علي الجمال
من أقصى وجع في الروح
إلى أقصي جروح الروح
كتبت قصيدة كات ناقصة
حروفها كلها عاجزة
وحبر سطورها ع الصفحة
صبح مسفوح
بدون همزة ولا لمزة ولا غمزة
ولا تظهر مع الغنة
ومش مكتوبة في السُنة
ومنسية في حلق البوح
بتتكفى على كفوفها
وبتقاوم خروج الروح
ميلادها كان مع وجودك
عذابها كان في اخدودك
مع لعنة جدار الخوف
في ألوان السما السبعة
وخلوتها مع رابعة
وهي تناجي محبوبها
غسلت في توب طهارتها
صكوك غفرانك المحذوف
خرجت زمان من القصة
وشلت سطورك الفاجرة
وصاحبي كان بيوزنها
وبعد الوزن شكلها
فمات مقتول
وعاش عمره يفسرها
بدون مايخش أحلامها
يا آخر حد أولها
بدون مايبيع في أسرارها
واخر حد صبحنا و مسانا
و من أقصى المدينة
جاءت تحدثنا
عن الفيس اللي نجسنا
وقطع فينا لمتنا
ولسه يدوب هتنصحنا
على اخر ثلاث درجات
من السلم مكان الدم والعركة
فتح دفتر قصايده المووڤ
عوج رجله على الشيزلونج
وكان لسه يادوب ساند بعكازه
ونص العرجة كان قادر عليها يحط
انا شوفته لكن بينط
بيشرب له سجاير فرط
وينفح في الندى دخان
فيتقل فيه جيوش احزان
في لحظه انسجام النور
مع ثورة حيطان نفسه
يلم في بعض أجزاءه
يلملم تاني في دراعة ويتحول رزاز مائي
يطير ويكب في دموعه
مابين وش السما والارض
بيشرب من وشوش الناس
بقايا الشرد ويتعرى في عز البرد
سجايره اتحولت طافية
حضني وخدني بالعافيه
يقصقص في ساعات الليل
عشان البرد مايعديش
على بكره اللي بيكحل
في أوجاعي
ويرسم ضحكة في عينها
وكان قصده يغميها
ولم أيده اللي مش مالكه
كومين من حلمها البايت
عبيد اتحرروا بدري
ماشفشي الموت
تواريخ احتلال الخوف
لأصلابهم
ولا اتهجوا على إيده
طريقة انفصام الجرح
من الاوجاع
كأنه اتباع
فضل ينزف أنين مزكوم
بدون مايشم احزانك
انا الدرويش ومش قادر
اوشوش حتى في ودانك
ولا اقولك يامولانا
صلاة الخوف بتبقى في حالتي
كام ركعة وهل ينفع اكون مأمووم
و توبتي تجوز وانا لسه مابين ايدك
واقف منبوذ
وهل ينفع اكون صايم ومتعلق
في شرياني حقن جلوكوز
وهل ينفع أشيل أحمال
وانا بارك مع جملي
ونايم في الخلا مهزوم
ياشيخنا فسر المكتوب
على التليفون
انا لسه ماجبتش جون
لكن جالي اتصال حالي
اكون ضيفك واقول موال
وامثل فجأتي الواوووو
ولحظة عيني ماتشوفك
واكون مصدوم
رهان خسران ماهش كسبان
ماتلعبشي على صمودي
مافيش مكسب مع وجودي
أنا الحزن اللي مش بعدين
ومش دلوقت أو بالليل
انا حزني مهش بالوقت
وخدني معاه أشوف النور
وأشوف الشاعر الطيب
من المجنون
لقيت اسمي ماهش في الرول
وباب الجنه كان مقفول
وقفت هناك على الاعراف
واول مرة اشوف احلام
بدون حتى ماروح في النوم
التعليقات مغلقة.