جربنا الحب بقلم الشاعر : أشرف يوسف علي
جربنا الحب وماقدرناش
نصبر عالبعد وعالحرمان
طب نعمل إيه أكتر من كدا
واحنا اللي تعبنا بقالنا زمان؟!!!
حبينا بجد وما قدرناش
نتحمل بعدكوا ولاثانيه
وازاي نصبر علي هجركوا يوم
والقرب ف حبكوا حاجه تانيه
حسينا معاكوا بأيامنا
وعشقنا ف قربكوا ليالينا
طب ليه سايبنا بنتعذب
في هواكوا ومش حاسين بينا؟!!!
شكوتنا تعبنا ف لياليكوا
وبنشتكي منكوا وإليكوا
نفسنا نرتاح بس شويه
وتجونا ونفرح يوم بيكوا
في غيابكوا حقيقي بنتألم
ونحس بضعفنا ونسلم
واحنا بنتمني ولو ثانيه
بعنينا نشوفكوا و نتكلم
بتغيبوا قولولنا و تبعدوا ليه؟!!!
بتفكروا بس قولولنا ف إيه؟!!!
حبايبنا ياريت تبقوا معانا
وتحسوا اللي احنا حاسين بيه
ما تعودناش نبعد عنكم
ولا كان طبعنا نشتكي منكم
ون كنا بنشتكي شكوتنا
ح تكون بس ما بينا وبينكم
وح تفضلوا دايما حبايبنا
زي احنا ما دايما حبايبكم
وح تفضلوا دايما حبايبنا زي احنا ما دايما حبايبكم
الجمعه بتاريخ ٢٠٢٢/١٠/١٤م
التعليقات مغلقة.