جمال جمصة قصيدة غنائية للشاعر أشرف يوسف …جمصة _ المنصورة_دقهلية
علي باب مدينتي بدأت حكاية طفولتي ومنها كانت بدايتي
مدينتي جمصة التابعة لمحافظة الدقهلية من حيث المصيف فمصيف مدينة جمصة السياحي
تابع لمركز المنصورة بمحافظة الدقهلية فإن قلت أنا ابن محافظة الدقهلية صدقت
مدينتي جمصة التابعة لمحافظة دمياط مركز كفر البطيخ حيث أنها تمارس نشاط الصيد البحري فإن قلت أنا ابن محافظة دمياط صدقت أيضا
تعالي عندنا و صيف
وشوف الشط والرمله
وموج البحر بيغني
غناوي ف حبكم كامله
آنستونا و نورتوا
في جمصه وخدتوا كام
صوره
محافظتنا دقهليه
وقالوا عليها منصوره
حلاوة جوك الهادي
يا جمصه ورملك الصافي
وانا قاعد علي القارب
و بتمايل بمجدافي
وناس رايحه وناس جايه
ما بين الشط و الميه
بيجمعهم جمال سحرك
و كام كلمه في أغنيه
ونستني غروب الشمس
و قلوبنا تكون واحده
و نعمل عالبلاچ تنده
ونتلاقي في كام قاعده
و نسهر سهره صباحي
و عيله تيجي ورا عيله
ولا لحظه نضيعها
في قربك أو تفوت ليله
الإثنين بتاريخ ٢٠٢١/٨/٢٣م
بقلمي : أشرف يوسف
التعليقات مغلقة.